ភ្នំពេញ៖ ក្រុមហ៊ុន Tashen Green Tech បាននាំចូលផលិតផលថ្មី បន្ទះអ៊ីសូឡង់ អាលុយមីញ៉ូម ដែលជួយកាត់បន្ថយកំដៅ និងកាត់បន្ថយ ការប្រើប្រាស់អគ្គីសនី ជាមួយនឹងតម្លៃសមរម្យ ព្រមទាំងមានគុណភាពខ្ពស់។

ដោយសារអាកាសធាតុ មានការប្រែប្រួល កំដៅកើនឡើងខ្លាំ នៅតាមរោងចក្រ សហគ្រាស មួយចំនួនមាន កម្មករ ដូលសន្លប់ជាបន្តបន្ទាប់។ ដើម្បីសម្រួលដល់ រោងចក្រ សហគ្រាស ក្នុងការកាត់ បន្ថយកំដៅ សំឡេង ការពារជ្រាបទឹកនិងជួយរក្សា សីតុណ្ហភាពនៅក្នុង លំនៅដ្ឋាន និងអគារ រោងចក្រសហគ្រាស។ ក្រុមហ៊ុន Tashen Green Tech សូមណែនាំ ផលិតផលថ្មី ការពារកំដៅ គឺ បន្ទះអ៊ីសូឡង់អាលុយមីញ៉ូមការពារកំដៅ និងចំណាំងផ្លាតកំដៅ ដែលនាំចូលដោយក្រុមហ៊ុនTASHEN Green Tech គឺអាចកាត់បន្ថយកំដៅ យ៉ាងប្រសើរនិងរក្សា សីតុណ្ហភាពក្នុង គេហដ្ឋាន និង អគារ រោង ចក្រសហគ្រាសអោយនៅទាប។

ក្រុមហ៊ុនយើងខ្ញុំបាននាំចូលផលិតផលនេះពីប្រទេសអូស្រ្តាលី និង អ៊ីស្រអែល។ បន្ទះអ៊ីសូឡង់ នេះត្រូវបានបង្កើតឡើង សម្រាប់បេសកម្មយាន្តអវកាសដំបូង បំផុតរបស់NASA។ ផលិតផលនេះ ផលិតឡើងពីស្រទាប់ អាលុយមីញ៉ូមសុទ្ធ99.4% វាមានកំរាស់18um ដ៏ស្ដើង (កំរាស់ស្រទាប់ អាលុយមីញ៉ូម) ជាសារធាតុរបស់បន្ទះ អ៊ីសូឡង់កាត់ កំដៅ កាត់បន្ថយ សំលេង ការពារជ្រាប ទឹក សន្សំសំចៃរក្សាបរិស្ថានល្អ។ មានស្រទាប់អាលុយមីញ៉ូម ស្រោបខាងក្រៅ ពពុះខ្យល់ទប់កំដៅ នៅខាងក្នុងវាអាច ជះផ្លាតកំដៅបានពី 95% ទៅ97% ទៅបរិយាកាសវិញ។ ចំពោះដំបូលដែលក្ដៅ ក្រោយពេលតំលើងរួច ធ្វើអោយសីតុណ្ហភាពធ្លាក់ ចុះចាប់ពី 10℃អង្សាសេឡើងទៅ។

បន្ទះអ៊ីសូឡង់ អាលុយមីញ៉ូម ការពារកំដៅអាចប្រើប្រាស់បាន សម្រាប់ ដំបូល ពិតាន ជញ្ជាំងនិងដំបូល រថយន្ដជាដើម។

ក្រុមហ៊ុនយើងខ្ញុំបាននឹងកពុងតំឡើងជាច្រើនទីតាំង។ សូមមើលរូបភាពខាងក្រោម:
ក្រុមហ៊ុនយើងខ្ញុំសូមស្វាគមន៍ និងសហការណ៍ជាមួយម្ចាស់ គេហដ្ឋាន អាជីវករ ក្រុមហ៊ុន រោងចក្រ សហគ្រាស ព្រមទាម វិស្វាករ និង ស្ថាបត្យករសំណង់។

ក្រុមហ៊ុនត្រូវការជ្រើសរើសបុគ្គលិក ជំនាញផ្នែកទីផ្សារនិងផ្នែកលក់ (ភាសា ចិន អង់គ្លេស) បើមានចំណាប់អារម្មណ៏សូមទាក់ទងតាមរយៈទូរស័ព្ទ 023 956 968  info@tashengreen.com
www.tashengreen.com
Facebook: TASHEN Green Tech

ភ្នំពេញ៖ ព្រោះតែក្តីអាណិតអាសូរ និងមើលឃើញ ពីភាពលំបាក ពីសំណាក់ស្រ្តីវ័យ ចំណាស់ម្នាក់ និងកូន ដែល រងគ្រោះដោយសារ ការជះទឹកអាស៊ីត បង្កឲ្យមានស្នាមរបួស ពេលខ្លួនប្រាណនោះ តារាចម្រៀងប្រុស២រូប មកពី ផលិតកម្ម ផ្សេង គ្នាគឺលោកសន វិជ្ជបុត្រ និងលោក អ៊ីណូ ថ្មីៗនេះ បាននាំយកថវិកា មួយចំនួន ដែលបានមកពី សប្បុរសជន ក្នុង និងក្រៅប្រទេស ទៅឧបត្ថម្ភដល់ក្រុមគ្រួសាររបស់គាត់ ដល់គេហដ្ឋាន នៅក្នុងខេត្តតាកែវ។

នៅលើបណ្តាញសង្គមហ្វេសប៊ុក របស់តារាប្រុសប្រចាំផលិតកម្ម M លោក សន វិជ្ជបុត្រ កាលពីថ្មីៗនេះបាន សរសេរថា «ថ្ងៃនេះខ្ញុំបាទ វិជ្ជបុត្រ និង អ៊ីណូ តារាចម្រៀងនៅសាន់ដេ បានយកថវិកា របស់សប្បុរជនក្នុងនឹង ក្រៅប្រទេស ទៅជួយបងស្រី ដួង ស្រីមុំ និងកូនរស់នៅខេត្តតាកែវ ត្រូវបានក្រុមគ្រួសារមួយដែលធ្លាប់ មានទំនាស់ ជាមួយ ក្នុងរឿង រកស៊ីបានមកវាយគ្រួសារគាត់ ហើយយកទឹកអាស៊ីតស្រោចលើគាត់ កំពុងអង្គុយបញ្ចុកបាយកូន បណ្តាលឲ្យមានរបួស រលួយពេញខ្លួន»។

លោក សន វិជ្ជបុត្រ បានសរសេរបញ្ជាក់ថា «សម្រាប់ថវិកាជាជំនួយឧបត្ថម្ភពេលនេះ គឺបានមកពីសប្បុរជនមួយចំនួន ដូចជា បងប្រុស Paula len និងបងប្រុស vuthy kim រស់នៅអូហាយូ USA ២០ដុល្លា, បងស្រី lynda So រស់នៅ កាណាដា ៨០ ដុល្លារ, Klar sor dara sanday (អ៊ីណូ អ្នកចម្រៀងសានដេ) ១០ដុល្លា។ ខ្ញុំសូមថ្លែងអំណរគុណ ដល់សប្បុរជនទាំងអស់ ឲ្យមានសេចក្ដីសុខសំណាងល្អ រកស៊ីមានបាន និង ធ្វើដំណើរទៅណាប្រកបដោយ សុវត្ថិភាព..»។

ដោយឡែក បើផ្អែមតាមប្រភពមួយចំនួន បានឲ្យដឹងថា ក្នុងហេតុការណ៍ដ៏សាហាវព្រៃផ្សៃកាលនោះបានបណ្តាលឲ្យ ស្រ្តីឈ្មោះ ដួង ស្រីមុំ និងកូនស្រីរបស់គាត់ម្នាក់ទៀត ដែលកំពុងអង្គុយនៅក្បែរគ្នានោះ ទទួលរងគ្រោះថ្នាក់ ដោយការជះទឹកអាស៊ីតទាំងពីរនាក់ បង្កឲ្យរបួសរលេសរលួយពេញខ្លួនប្រាណ។ បន្ទាប់ពីកើតហេតុភ្លាមៗនោះ ជនរងគ្រោះទាំងពីរនាក់ម្តាយកូន ត្រូវបានដឹកបញ្ជូនទៅសង្គ្រោះ នៅឯមន្ទីរពេទ្រខេត្ត ប៉ុន្តែដោយសារមើលឃើញ ពីស្ថានភាពរបួសធ្ងន់ធ្ងរ ក៏ត្រូវបានបញ្ជូនបន្តមកសង្គ្រោះ នៅមន្ទីពេញភ្នំពេញ ដែលរហូតមកទល់ពេលនេះ ស្ថានភាពរបួស របស់គាត់ និងកូនបានធូរស្រាល និងត្រឡប់ទៅផ្ទះវិញហើយ៕

ភ្នំពេញ៖ ពិធីកររូបសង្ហា សម្បូរវោហារស័ព្ទ លោក ជា វិបុល នៅពេលថ្មីៗនេះ បានធ្វើឲ្យ ភរិយារូបស្អាតអ្នកនាង គង់ សុជាតិ មានអារម្មណ៍រំភើប រហូតដល់ស្រក់ទឹកភ្នែក ដោយសារតែលោកបានធ្វើឲ្យ នាងមានភ្ញាក់ផ្អើល ដោយលោកបានជូនផ្កាកូលាប ក្រហមឆ្អិនឆ្អៅ ចំនួន៩៩ទង ក្នុងឱកាសខួបអាពាហ៍ពិពាហ៍ ៣ឆ្នាំ ។

ពេលវេលាពិតជាដើរលឿនខ្លាំងណាស់ គិតរហូតមកដល់ពេលនេះ ពិធីកររូបសង្ហា លោក ជា វិបុល និង អ្នកនាង គង់ សុជាតិ បានរៀបការសាងគ្រួសារ ជាមួយគ្នា៣ឆ្នាំទៅហើយ ដែលស្វាមីភរិយាមួយគូនេះ បានសាងស្នេហ៍ផ្អែមល្ហែមជាមួយគ្នា ។ នៅក្នុងឱកាសខួបអាពាហ៍ពិពាហ៍៣ឆ្នាំនេះ តារាប្រុស លោក ជា វិបុល បានទិញផ្កាកូលាបចំនួន៩៩ទង ជូនភរិយារូបស្អាត ដើម្បីរឹតចំណងស្នេហា ឲ្យកាន់តែរឹងមាំ ។

ភ្ជាប់ជាមួយនឹងផ្កាកូលាប៩៩ទងនោះ តារាប្រុស លោក ជា វិបុល ក៏បានសរសេរសារផ្អែមល្ហែមឲ្យទៅភរិយាក្នុងឱកាសខួប៣ឆ្នាំ នោះផងដែរថា «មិនមានអ្វីច្រើនទេ សម្រាប់ថ្ងៃខួបអាពាហ៍ពិពាហ៍ របស់យើង ៩-១១-១២ , ៩-១១-១៥ មានតែផ្កាកុលាប៩៩ទងនេះ ដើម្បីបញ្ជាក់ពីការស្រឡាញ់អូន ជារៀងរហូត ព្រមទាំងពេញចិត្តនូវអ្វី ដែលបងមានជាពិសេស គឺរូបអូន»៕

ភ្នំពេញ៖ តារាចម្រៀងប្រុសសំឡេង ក្រអួនក្រអៅ ប្រចាំក្នុងផលិតកម្មភ្លេងរីខដ លោក ដួង វីរៈសិទ្ធ  កំពុងតែជួបទុក្ខធំ ក្នុងគ្រួសារ ដោយសារតែលោកយាយ ជាទីស្រឡាញ់ បានទទួលមរណភាព កាលពីពេលថ្មីៗនេះ នៅឯស្រុកកំណើត ធ្វើឲ្យលោកជួបវិបត្តិធំ និងគួរសោកស្ដាយជាខ្លាំង ។ អ្វីដែលគួរឲ្យកត់សម្គាល់នោះ មុននឹងជួបទុក្ខធំនេះ សម្រាប់ ដួង វីរៈសិទ្ធ ត្រូវបានគេដឹងថា គឺបន្ទាប់ពីរូបលោកច្រៀងបទ «She’s Gone» ដែលជាបទតឹងបំផុត ហើយបានស្រែកស្ទើរតែបែកបំពង់ក ក្នុងកម្មវិធី ខារ៉ាបាវ នៃស្ថានីទូរទស្សន៍បានយ័ន។

តារាចម្រៀងបែបយុវវ័យ ដួង វីរៈសិទ្ធ ត្រូវបានគេដឹងថា មានទឹកដមសំលេងពីរោះ ហើយមានភាពប្លែកគេ មិនមានអ្នកណាមានសំលេងដូចលោកណាស់ ។ ជាមួយគ្នានេះ លោកបកស្រាយបទចម្រៀង មរតកដើម ក៏បានពីរោះណាស់ ហើយអន្លង់អន្លោច ពិសេសលោកក្លាយជាដៃគូដ៏ស័ក្តិសម សម្រាប់ កញ្ញា វ៉ានីឡា ។

បទចម្រៀងដែលតឹងបំផុត «she’s gone» ត្រូវបាន លោក ព្រាប សុវត្ថិ យកមកបកស្រាយផ្ទាល់ ក្នុងកម្មវិធីCambodian Idol ដោយលោកទទួល បានការកោតសរសើរយ៉ាងច្រើន ព្រោះលោកជាកំពូលតារាចម្រៀងយ៉ាងពិតប្រាកដ  លោកច្រៀងមិនបែកសំលេង សូម្បីតែបន្តិច ។ សម្រាប់ ដួង វិរៈសិទ្ធ ក៏ចង់បង្ហាញថា ខ្លួនមានសមត្ថភាពមិនចាញ់ លោក ព្រាប សុវត្ថិទេ និងបានយកបទនេះ មកបកស្រាយកាលពីម្សិលមិញ ក្នុងកម្មវិធីខារាប៉ាវ របស់ស្ថានីយទូរទស្សន៍បាយ័ន ។ តែគួរឲ្យសោកស្ដាយ លោកដួង វិរៈសិទ្ធ ស្រែកមិនរួចទេ ហើយបែរជាចេញស្ទីលលោក អ៊ីណូ ទៅវិញ ធ្វើឲ្យមហាជនរិះគន់លោកទៅវិញ ព្រោះបទច្រៀងវាលើសពីសមត្ថភាពលោកពេក ។

បើយោងតាមប្រភព ពីបណ្ដាញសង្គមហ្វេសប៊ុករបស់ លោក ដួង វិរៈសិទ្ធ បានឲ្យដឹងថា មូលហេតុដែលលោកច្រៀងធ្លាក់សំលេង ព្រោះតែលោកយាយ ទើបទទួលមរណភាព ទើបសំលេងខ្សោយ ព្រោះលោកពិបាកចិត្ត។ តែអ្នកជំនាញខាងបទចម្រៀង នៅតែនិយាយថា លោក វីរៈសិទ្ធ ច្រៀងបទចម្រៀង លើសពីសមត្ថភាពពេកហើយ ហើយថ្វីដ្បិតែតែលោកយាយស្លាប់ ក៏មិនសូវពាក់ព័ន្ធដែរ ព្រោះ ប៊ុត សីហា មុនថ្ងៃប្រឡងឪពុករបស់ សីហា ទទួលមរណភាព តែ សីហា នៅលើកពានបាន ដោយមិនមែនឧបសគ្គនោះទេ។

យ៉ាងណា ក៏គេឃើញថា វីរៈសិទ្ធ ហាក់បាក់ទឹកចិត្តយ៉ាងខ្លាំង ព្រោះបាត់បង់លោកយាយសំណប់ចិត្ត ហើយការច្រៀងត្រូវគេដៀលថា អន់ស្រែកដូចស្រីជាដើម ៕

ភ្នំពេញ៖ ធនាគារ ANZ Royal ក្នុងឱកាសអបរខួប១០ឆ្នាំ របស់ខ្លួន បានផ្តល់ជូនទៅសហគមន៍ ដោយឧបត្ថម្ភប្រាក់ ចំនួន១ម៉ឺនដុល្លារ ដល់មន្ទីរពេទ្យគន្ធបុប្ផា និងឧបត្ថម្ភកុំព្យួរទ័រចំនួន ២០០គ្រឿង ទៅដៃគូផ្សេងៗដូចជា៖ សហគ្រាស សង្គមហ្វារ អង្គការដើម្បីភាពញញឹម នៃកុមារ (PSE) អង្គការ Passerelles Numeriques Cambodia និងអង្គការ កុមារមេគង្គ។

លោក Grant Knuckey អគ្គនាយកធនាគារ ANZ Royal បានថ្លែងថា «យើងខ្ញុំមានការប្តេជ្ញាផ្តល់នូវអត្ថប្រយោជន៍ ដល់សហគមន៍ដែលយើងរស់នៅ។ ហេតុនេះ ទើបយើងខិតខំបំពេញការងារសង្គម ដើម្បីរួមចំណែកចែករំលែក ទៅតាមលទ្ធភាពរបស់យើង»។

លោកបន្ថែមថា រយៈពេល១០ឆ្នាំកន្លងមកនេះ បុគ្គលិករបស់យើង បានចូលរួមធ្វើការងារស្ម័គ្រចិត្តដោយ ចំណាយ ពេលវេលាជាង៤៥០០០ម៉ោង ជាមួយអង្គការក្រៅរដ្ឋាភិបាលចំនួន១០០អង្គការ ដើម្បីជួយផ្តល់ឱកាសសម្រាប់ អ្នក ដែលជួបការលំបាកខ្លាំងនៅប្រទេស ប្រជាជនកម្ពុជា។ ប៉ុន្តែយើងជឿជាក់ថា យើងអាចបន្តធ្វើបានច្រើន ជាងនេះ ទៀត។

លោក Grant Knuckey បានឲ្យដឹងទៀតថា នៅឆ្នាំ២០១៥ និង២០១៦ ធនាគារ ANZ Royal បានចាប់ដៃគូជាមួយ និងអង្គការក្រៅរដ្ឋាភិបាលមួយ ដោយឧបត្ថម្ភប្រាក់ចំនួន ២ម៉ឺនដុល្លារ ដើម្បីឧបត្ថម្ភគាំទ្រការអប់រំ និងផ្តល់ក្តីសង្ឃឹម ដល់យុវជនកម្ពុជា។ សម្រាប់ឆ្នាំ២០១៦ យើងនឹងបង្កើតកម្មវិធី MoneyMinded ដែលជាកម្មវិធីអប់រំផ្នែកហរិញ្ញវត្ថុ សម្រាប់សហគមន៍របស់យើង។

ធនាគារ ANZ Royal មានការប្តេជ្ញាចិត្តខ្ពស់ដើម្បីផ្តល់នូវអត្ថប្រយោជន៍ដល់សហគមន៍ តាមរយៈការចាប់ដៃគូជាមួយ អង្គការក្រៅរដ្ឋាភិបាល និងក្រុមសប្បុរធម៌ផ្សេងៗ ដោយអាចបន្តការងារដែលជួយពង្រឹងការអប់រំ និងបង្កើនឱកាស ការងារ សម្រាប់អ្នកដែលជួបការលំបាកខ្លាំង៕

BBC៖ ពន្លឺដ៏អាថ៌កំបាំងមួយ ត្រូវបានគេមើលឃើញ ហោះហើរពីលើស្រុក Orange និង តំបន់ក្បែរខាងនោះ កាលពីយប់ថ្ងៃសៅរ៍ សប្តាហ៍មុននេះ ដែលវាកំពុងធ្វើឲ្យ សាធារណជន មានមន្ទិល និងចោទជាសំនួរយ៉ាងច្រើនពាសពេញបណ្តាញសង្គមនានា។

អ្នករស់នៅស្រុក Orange ម្នាក់បានលើកឡើងថា វាគ្រាន់តែជាពន្លឺ ចេញមកពីការធ្វើតែស្ត សាកល្បងអាវុធ នៃកងនាវាអាម៉េរិក នៅតាមបណ្តោយឆ្នេរ រដ្ឋកាលីហ្វ័រញ៉ា តែប៉ុណ្ណោះ។ ដោយឡែក មន្ត្រីខាងផ្នែកអាកាសចរណ៍វិញ ក៏បានលើកឡើងស្រដៀងគ្នា ផងដែរ ថាវាអាច គ្រាន់តែជាសកម្មភាពរបស់យោធាអាមេរិក នោះទេ។

គួរបញ្ជាក់ថា វីដេអូ ដែលបានបង្ហោះតាមប្រព័ន្ធអ៊ីនធឺណែត នោះ បានឲ្យឃើញអណ្តាតភ្លើង ឆេះកញ្ជ្រោលឡើងលើខ្ពស់ បន្ទាប់មកវាក៏បាចសាច ចេញជាពន្លឺខ្លាំង ដែលមានពណ៌ខៀវ ដូចភ្លើងហ្វ្លាស់ បញ្ចេញសណ្ឋានជារង្វង់។ វីដេអូ ដែលបង្ហោះនោះ បានបង្ហាញពីពន្លឺភ្លើង ដែលបន្តអូយបន្លាយរយៈពេល ពីរ ទៅបីនាទី។

យ៉ាងណាក៏ដោយ កាលពីថ្ងៃសុក្រ សប្តាហ៍មុន រដ្ឋបាលអាកាសចរណ៍សហព័ន្ធ FAA បាន លើកឡើងថា ការហោះហើរនៅពេលយប់ពីទីក្រុង ឡូស អាន់ជែឡែស ត្រូវផ្អាកមិនឲ្យ ហោះឆ្លងកាត់សមុទ្រប៉ាស៊ីហ្វិក ទៅកាន់ភាគខាងលិចនៃអាកាសយានដ្ឋាននោះឡើយ  ប៉ុន្តែ FAA មិនបានបញ្ចាក់មូលហេតុដែលផ្អាកនេះឡើយ ដោយគ្រាន់តែលើកឡើងថា យោធានឹង មានប្រតិបត្តិការនៅទីនោះ ចន្លោះពីថ្ងៃព្រហស្បតិ៍ និង សុក្រ៕

រីយ៉ូ៖ ក្មេងប្រុសអាយុទើបតែជាង១ឆ្នាំម្នាក់ត្រូវបានម្តាយនាំទៅមន្ទីរពេទ្យ ភ្លាមៗ បន្ទាប់ពីឃើញកូនពស់ពិស១ក្បាលនៅ លើមាត់ ។

ហេតុការណ៍ដ៏រន្ធត់នេះបានកើតឡើងនៅប្រទេសប្រេស៊ីល នាង Jaine Ferreira រស់នៅតំបន់ Mostardas បាន និយាយថា កូនប្រុសនាងឈ្មោះ Lorenzo អាយុបាន១ឆ្នាំ ៧ខែហើយ នៅថ្ងៃកើតហេតុ នាងបានដាក់កូនឲ្យអង្គុយលេងក្នុង ទីធ្លាបរិវេណផ្ទះក្បែរខ្លួនដែរ មួយសន្ទុះក្រោយមកក៏មានអារម្មណ៍ថា ដូចជាស្ងាត់មាត់កូនទើបនាងរត់ទៅមើល ស្រាប់តែរន្ធត់ចិត្តជាខ្លាំង ព្រោះឃើញពស់១ក្បាលកំពុងវារ លើមាត់កូនប្រុសរបស់ខ្លួន ។

Ferreira ក៏ប្រញាប់នាំកូនទៅមន្ទីរពេទ្យ ព្រោះនាងខ្លាចថាសត្វពស់នោះខាំកូនប្រុស ប៉ុន្តែគ្រូពេទ្យពិនិត្យមិនឃើញមាន រោគសញ្ញាណាមួយបញ្ជាក់ថា ក្មេងរងរបួសដោយពស់ខាំទេ តែគ្រូពេទ្យបែរជាសន្និដ្ឋានថា ក្មេងប្រុសនេះអាចនឹង ខាំ ពស់ ហើយសម្លាប់វាទៅវិញ ព្រោះមាត់ និងដៃរបស់គេប្រឡាក់សុទ្ធតែឈាម ។

ក្រុមគ្រូពេទ្យបានបញ្ជាក់ថា សុខភាពរបស់ Lorenzo នៅល្អទេ ហើយគ្រូពេទ្យក៏បានលាងសំអាតឈាម និងផ្លាស់យក សត្វពស់ចេញពីដៃក្មេងផងដែរ ៕

ភ្នំពេញ៖ អ្នកសិល្បៈល្បីៗ នាពេលបច្ចុប្បន្ន ហាក់មិនសូវលេចធ្លោ ក្នុងរឿងថតបទច្រៀង ឬសម្ដែងដូចមុនទេ ពួកគេ គ្មានរឿងភាគ ឬរឿងដុំថ្មីៗបញ្ចាំង ក្នុងស្ថានីយ ទូរទស្សន៍ឡើយ ប៉ុន្តែពួកគេបែរជានាំគ្នា បង្អួតការងារតាមបណ្ដា រោងការនានាទៅវិញ ដោយពួកគេហាក់មមាញឹក ស្ទើរតែរកពេលសម្រាកគ្មាន ព្រោះតែការងារ កាត់សក់ ធ្វើជាពិធី ករ-ពិធីការិនី និងទទួលរៀបចំការ ប្រគំតន្រ្តីខ្នាតតូចផ្សេងៗ  ហើយជារដូវមួយដល់ពេល ពួកគេត្រូវកើតប្រាក់ តាមរយៈ កម្មវិធីទាំងនោះ ទៀតផង។

បើក្រឡេកមើលក្រុម តារាចម្រៀង ច្រៀងពេលល្ងាច ក៏កើតឡើងរីកដូចផ្សិត រួមមាន ក្រុម Dara Entertainment របស់លោក យ៉ែម សំអូន មានតារាប្រចាំក្រុមដូចជា អ្នកនាង ចន ច័ន្ទលក្ខិណា កញ្ញា តូតា កញ្ញា សូដា នីតា លោក ញ៉ែម សុគន្ធ កញ្ញា នី មុនីនាថ អ្នកនាង សួន ចន្ថា អ្នកនាង ឆៃ លីដាឡែន លោក យូឌីស្កូ លោក រតនៈ ពិសិទ្ធ និង លោក អេ ឡិចចិន្ត្រា ផងដែរ ។ តារានេះជាក្រុមដែលបង្កើតមុនគេ តែបច្ចុប្បន្នហាក់ថមថយ ប្រជាប្រិយភាពជាងមុន ក្រោយលោកយ៉ែម សំអូន ប្រធានក្រុម បែកធ្លាយរឿងអាស្រូវ ប្រើអំពើហឹង្សាលើភរិយា រហូតឈានដល់ការ ចុះផ្សាយព័ត៌មាន ទើបគ្រួសារអ្នកមានទ្រព្យខ្លះ ប្រកាន់មិនជួលក្រុមនេះឡើយ ។

ក្រុមAlex entertainment ជាក្រុមថ្មីមួយ របស់លោក អេឡិច ចិន្ត្រា តារាសិល្បៈមានកម្មវិធីច្រើនជាងគេ ។ ក្រុម លោកមានតារាដូចគ្នា ទៅហ្នឹងក្រុមលោក យ៉ែម សំអូន និងមានប្រជាប្រិយភាព ច្រើនគួរសម ទោះក្រុមលោកបង្កើត មកក្រោយគេក៏ដោយ រហូតមានគេថា លោកដណ្ដើមម៉ូយលោក យ៉ែម សំអូន ប៉ុន្តែរវាងលោក និងយ៉ែម សំអូន នៅតែធ្វើការជាមួយគ្នា ដូចធម្មតាមិនអាក់អន់ចិត្តឡើយ ។

ងាកមកមើល ក្រុមចម្រៀងមួយទៀត គឺក្រុមអ្នកនាង កាតុ ដែលមានស្វាមី ជាតន្ត្រីករស្រាប់ មិនមែនបញ្ហា សម្រាប់ នាងឡើយ ។ ក្រុមតន្ត្រីអ្នកនាង កាតុ មានតារាសិល្បៈដូចជា រ៉ូលីន អ្នកនាងផ្ទាល់ អ្នកនាង ខៀវ សានសាណា លោក បញ្ញាសិទ្ធ និងតារាមិនសូវល្បី ច្រើនដួងទៀត ។ នេះជាក្រុមសម្រាប់ ពិធីជប់លៀងពេលល្ងាច។
 
សម្រាប់ក្រុមចម្រៀង បែបប្រពៃណីវិញ ក៏មានច្រើនមិនចាញ់គ្នាដែរ ពិសេសពិធីកាត់សក់  ក្នុងនោះគេឃើញមានក្រុម អ្នកនាង ខាត់ សុឃីម ក្នុងរដូវកាលមង្គលការ កាន់តែមមាញឹកខ្លាំង ពោលក្នុងមួយព្រឹក ក្រុមនេះ រត់ពី ២ទៅ៣រោង ខណៈក្នុង១រោងមានតំលៃ ចន្លោះពី៣០០ទៅ៦០០ដុល្លារ។ ដូចនេះគ្រាន់តែមួយព្រឹក ក្រុម ខាត់ សុឃីម រកបាន ជាង១០០០ដុល្លារ បាត់ទៅហើយ ។ អ្នកកាត់សក់ល្បីៗ ក៏មានដូចជា អ្នកនាង កាតុ អ្នកនាង ខ្ងុង កញ្ញា សុន ស្រីពេជ្រ លោក ដួង សុខគា លោក ជួង ជី(នាយកុយ) លោកខាត់ ចំរើន លោក ប៉ែន ចំរ៉ុង អ្នកនាង អ៊ិត និង អ្នកនាង កាឆយ ដែលត្រូវបានគេដឹងថា ក្រុមនេះកើបលុយមិនតិចទេ ក្នុងមួយឆ្នាំៗ ជាពិសេសរដូវមង្គលការនេះ ព្រោះក្នុងខែវស្សាពួកគេសម្រាក នៅផ្ទះចាយលុយចាស់ ៕

កូរ៉េ៖ សិស្សស្រីវ័យក្មេងម្នាក់ ដែលត្រូវគេដឹងថា កំពុងសិក្សានៅវិទ្យាល័យមួយ ក្នុងក្រុងសេអ៊ូល កំពុងទទួលចំណាប់អារម្មណ៍យ៉ាងខ្លាំង ពីសំណាក់ អ្នកនិយមលេង អ៊ីនធ័រណេត ដោយសារនាង អាចច្រៀងបទ "Hello"របស់តារាចម្រៀងអង់គ្លេស នាង Adele បានយ៉ាងល្អ។

ព័ត៌មានពី Korea Times បានឲ្យដឹង នៅថ្ងៃទី១០ខែវិច្ឆិកា ឆ្នាំ២០១៥នេះថា វីដេអូ"Hello" របស់សិស្សស្រីកូរ៉េម្នាក់មានអ្នកចូលមើល រហូតដល់ទៅដល់៧០ម៉ឺននាក់ ក្នុងរយៈពេលត្រឹមតែ មួយថ្ងៃប៉ុណ្ណោះ ក្រោយបង្ហោះក្នុង Youtube ហើយចំនួននេះ នៅតែបន្តកើនឡើងជាលំដាប់ ។ វីដេអូនេះដែរ បានបង្ហោះក្នុងគេហទំព័រ ជាភាសារកូរ៉េ 일반인들의 소름돋는 라이브 ខណៈបទ "Hello" របស់ Adele ដែលចេញកាលពីថ្ងៃទី២២តុលា មានអ្នកមើលរហូតដល់ ជា៣០៤លាននាក់ គិតមកដល់ថ្ងៃនេះ។

ថ្មីៗនេះ មានអ្នកចម្រៀង Cover តាម YouTube ជាច្រើនព្យាយាម ធ្វើបទចម្រៀងរបស់ Adele ដើម្បីទទួលការគាំទ្រ តែជោគជ័យអាចធ្លាក់លើក្មេង ស្រីកូរ៉េម្នាក់នេះ ដោយសារសម្លេងយ៉ាងក្រអួនរបស់នាង ។

ចង់ដឹងថា ក្មេងស្រីម្នាក់នេះច្រៀងបានល្អប៉ុណ្ណា ទស្សនាវីដេអូ ជាមួយ LookingTODAY ទាំងអស់គ្នា!

ភ្នំពេញ៖ នៅតែបន្តការបញ្ចុះតម្លៃពិសេសចាប់ពី 10$ - 100$ សម្រាប់ការអបអរសាទរពិធីបុណ្យអុំទូក អកអំបុក និងសំពះព្រះខែខាងមុខនេះ។ សូមលោកអ្នកជ្រើសរើសដំណើរកម្សាន្តរបស់យើងខ្ញុំ នឹងទទួលបានអត្ថប្រយោជន៍ជាច្រើនដូចជា សណ្ឋាគារដ៏ល្អប្រណីត និងអាហារប៊ូហ្វេពិសេស ជាមួយមគ្គុទេស៍មានបទពិសោធន៍ និងទំនួលខុសត្រូវខ្ពស់។ មានផ្តល់ជូនសេវាកម្មពន្យា រឺ ធ្វើថ្មីលើវីសា ប៉ាស្ទ័រកម្ពុជា បរទេស និងលក់សំបុត្រយន្តហោះក្នុងតម្លៃ Promotion ។  

ស្រីរ័ត្នអន្តរជាតិទេសចរណ៍  (SREYRATH INTERNATIONAL TRAVEL AND TOURS) ជាក្រុមហ៊ុនឈានមុខគេ លើចំណាត់ថ្នាក់សេវាកម្មល្អ គុណភាពខ្ពស់ និងពោរពេញទៅដោយទំនុកចិត្ត ក្នុងការរៀបចំដំណើរកម្សាន្ត និងសំបុត្រយន្តហោះទៅគ្រប់ប្រទេស នឹងគ្រប់ទិសដៅក្នុងពិភពលោក។
ស្រីរ័ត្នអន្តរជាតិទេសចរណ៍ ជាជំរើសដ៏ល្អសម្រាប់លោកអ្នកដែលមានបំណងចង់ធ្វើដំណើរកម្សាន្តជាលក្ខណៈពិសេស (VIP) ប៉ុន្តែក្នុងតម្លៃពិសេស បានទាំងសប្បាយ បានទាំងរង្វាន់ជាច្រើនទៀត!!!។

+ដំណើរកម្សាន្តក្រៅប្រទេសនាថ្ងៃព្រះរាជពិធីបុណ្យអុំទូក៖
ចេញដំណើរថ្ងៃទី21, 22, 23, 24 ខែវិចិ្ឆកា ឆ្នាំ2015
-    ប្រទេសសឹង្ហបូរី-ម៉ាឡេស៊ី 6ថ្ងៃ តម្លៃត្រឹមតែ 688 $
-    ប្រទេសវៀតណាម 6ថ្ងៃ (សាយហ្គន-ញ៉ាត្រាង-ដាឡាត់) តម្លៃត្រឹមតែ 278 $
-    ប្រទេសថៃ 5ថ្ងៃ (បាងកក-ប៉ាតាយ៉ា) តម្លៃត្រឹមតែ 288 $
-    ប្រទេសថៃ 5ថ្ងៃ (ឈាងម៉ៃ-ឈាងរ៉ៃ)  តម្លៃត្រឹមតែ 558 $
-    ប្រទេសចិន 6ថ្ងៃ (ហុងកុង-សិនចិន-ជូហៃ-ម៉ាកាវ-តៃវ៉ាន់) តម្លៃត្រឹមតែ 888 $
-    ប្រទេសចិន 8ថ្ងៃ (ប៉េកាំង-សៀងហៃ-ស៊ូចូវ-ហានចូវ) តម្លៃត្រឹមតែ 1188 $
-    ប្រទេសកូរ៉េ 6ថ្ងៃ តម្លៃត្រឹមតែ 1388 $
-    ប្រទេសជប៉ុន 7ថ្ងៃ តម្លៃត្រឹមតែ 2888 $

+ដំណើរកម្សាន្តក្នុងប្រទេសថ្ងៃព្រះរាជពិធីបុណ្យអុំទូក៖
ចេញដំណើរថ្ងៃទី21 ខែវិចិ្ឆកា ឆ្នាំ2015
-    ខេត្តរតនៈគីរី  4ថ្ងៃ តម្លៃតែ 145 $
-    ខេត្តមណ្ឌល គីរី  3ថ្ងៃ តម្លៃតែ 115 $

សេវាកម្មល្អ អាហារឆ្ងាញ់ មគ្គុទេសក៍រស់រាយរាក់ទាក់ សណ្ឋាគារលំដាប់ផ្កាយ គុណភាព និងការទទួលខុសត្រូវខ្ពស់ជាគោលដៅចំបងបំផុតរបស់ក្រុមការងារយើងខ្ញុំ។
ទំនាក់ទំនងផ្នែកដំណើរកម្សាន្ត(Tours)
081 31 2222, 015 824 449, 010 30 2222, 012 58 555 1
093 666 288, 016 273 222, 023 224 999, 023 8888 49
ទំនាក់ទំនងផ្នែកសំបុត្រយន្តហោះ(Ticketing)
023 220 209, 023 8888 49, 010 30 2222, 016/012 99 77 59
016 99 77 17,012 26 26 31, 011 999 332, 097 712 81 88
012 87 69 74, 093 666 188
ស្រីរ័ត្ន អន្តរជាតិទេសចរណ៏ និង ដំណើរកម្សាន្ត
SREY RATH INTERNATIONAL TRAVEL AND TOURS
សាខាកម្ពុជាក្រោម៖ ផ្ទះលេខ187, មហាវិថីកម្ពុជាក្រោម (ចុះពីផ្សារថ្មីជិតស្តុបណានជីង)
H/P        : 081 31 2222, 078 8888 49, 070 8888 49, 097 2 8888 59
Tel         : 023 8888 49, 023 880 381, Fax: (855-23) 224 423
Hotline :  016 961 888/097 7 021 888
សាខាព្រះមុនីវង្ស៖ អគារលេខ 62& 64E, មហាវិថីព្រះមុនីវង្សកែងមហាវិថីកម្ពុជាក្រោម
H/P: 015 82 444 9, 010 30 2222, 093 666 288, 012 58 55 51,016 273 222
Tel: 023 224 999, 023 220 209, 023 210 927, Fax: (855-23) 224 423
SKYPE: sitt168, YM: sreyrathair_sit@yahoo.com, www.sitcambodiatours.com
Email        : tours@sitcambodiatours.com, ticketing@sitcambodiatours.com
Follow us on Facebook: https://www.facebook.com/sreyrathtravelpage

កូរ៉េ៖ តារាចម្រៀងសិចស៊ី វ័យ២៣ឆ្នាំនាង HyunA ជាតារាចម្រៀងស្រី ដ៏ល្បីល្បាញ មួយរូបនៅកូរ៉េ ប៉ុន្តែនាងក៏ជា តារា ដែលទទួលរងការ រិះគន់ផងដែរ ដោយសារមួយរយៈនេះ នាងបង្ហាញ ភាពសិចស៊ីហួស ពីតារាដទៃទៀត ដែល កំពុងមានឈ្មោះបោះសម្លេង ក្នុងវិស័យសិល្បៈដូចគ្នា។

យោងតាមគេហទំព័រ Koreaboo បានឲ្យដឹង នៅថ្ងៃទី១០វិច្ឆិកា ឆ្នាំ២០១៥នេះថាថ្មីៗមានប្រិយមិត្តជាច្រើន នាំគ្នា រិះគន់ ក្រោយពីនាង HyunA សមាជិករបស់ 4MINUTE  បង្ហាញខ្លួនជាមួយឈុត ដ៏សិចស៊ីសម្រាប់ស្ប៉ត ពាណិជ្ជកម្មថ្មី ក៏ដូចជាចម្រៀងថ្មី អាល់ប៊ុមទី៤របស់នាង ដែលក្នុងឈុតទាំងនោះ HyunAស្ទើរតែស្រាតគ្មានសល់ ហើយមានប្រិយមិត្តជាច្រើន បានComment រិះគន់ដោយប្រើពាក្យ អសុរោះផ្សេងៗគ្នា រហូតមានអ្នកខ្លះ ប្រើពាក្យថា នាងថោកទៀតផង៕

សុខភាព៖ មនុស្សជាច្រើន ពិតជាបានស្គាល់ផ្លៃល្មុតយ៉ាងច្បាស់ ពិសេសក្លិនរបស់វា ពេលមនុស្សស្រវឹងខ្លាំង គេថា មានក្លិនដូចល្មុតទំទៀតផង ។ សម្រាប់អ្នកខ្លះក៏និយមទទួលទានវា អ្នកខ្លះក៏មិនសូវជាចូលចិត្ត ប៉ុន្តែផ្លែឈើនេះ មានគុណប្រយោជន៍ ខាងសុខភាពច្រើន លោកអ្នកគួរតែយល់ដឹង ។

១ ផ្លែល្មុត ជាអាហារសម្បូរ ដោយជាតិកាកសរសៃខ្ពស់ ដែលល្អសម្រាប់អ្នកមិនសូវបន្ទោរបង់ទៀងទាត់ បើអ្នកជួបបញ្ហា ល្មុតអាចជួយអ្នកបាន ព្រោះវាជួយឲ្យពោះវៀន អ្នកដំណើរការបានល្អ ជាងមុនទ្វេដង ។ វាជាឱសថធម្មជាតិក្នុងការព្យាបាលការទល់លាមក ដូចនេះបើអ្នកទល់លាមក មិនចង់ប្រើថ្នាំ ផ្លែនេះជួយអ្នកបាន។

២ ល្មុតក៏ជាវ៉ាកសុំាង ការពារជំងឺមហារីកផងដែរ ព្រោះមានផ្ទុកសារធាតុការពារមហារីក ពោះវៀនធំ ។

៣ ក្នុងផ្លែល្មុត មានផ្ទុកវិតាមីន អា និង សេ យ៉ាងច្រើន ដែលវិតាមីនទាំងពីរ ជាសារធាតុប្រឆាំងភាពចាស់ជាងវ័យ ។ វិតាមីន អា ដូចដែលយើងដឹងរួចមកហើយថា វាមានប្រយោជន៍សម្រាប់ភ្នែក ដើម្បីឲ្យភ្នែកមើលកាន់តែច្បាស់ និងកែវភ្នែកភ្លឺថ្លា។ ចំណែកវិតាមីនសេ ល្អសម្រាប់ស្បែក ធ្វើឲ្យស្បែករលោងបែបធម្មតា ពេលអ្នកទទួលទានវា ជាប្រចាំ ។

៤ ពេលអ្នកញុំាវាជាប់ជាប្រចាំ អ្នកនឹងអាចប្រឈមការបាត់បង់ ឈាមកាន់តែតិច ព្រោះផ្លែឈើនេះ មានសាធាតុជួយការពារពេលអ្នកជួបគ្រោះថ្នាក់ ដល់ថ្នាក់ហូរឈាមច្រើន តែអ្នកទទួលទាន ហូរឈាមតិចជាងអ្នកមិនទទួលទានវា ។

៥ ក្នុងផ្លែល្មុតមានផ្ទុកសារធាតុរ៉ែជាច្រើន ដូចជា ម៉ាញេស្យូ ប៉ូតាស្យូ ដែកនឹង សារធាតុរ៉ែផ្សេងជាច្រើន ដែលរាងកាយត្រូវការ ពិសេសជួយប្រឆាំងជំងឺដំកាត់ផ្សេង មិនឲ្យមកយាយីយើងបានឡើយ ។

៦ ល្មុតជាថ្នាំងងុយគេងបែបធម្មជាតិ អ្នកដែលមានបញ្ហាគេងមិនលក់ អាចសាកល្បងទទួលទានវាបាន ព្រោះក្នុងល្មុតមានសាធាតុម្យ៉ាង ទៅសណ្ដំសរសៃប្រសាទ មិនឲ្យធ្វើការធ្ងន់ អ្នកនឹងយើងគេងលក់ស្កប់ស្កល់ ។ ផ្លែល្មុតនេះទៀតសោត មានតំលៃមិនថ្លៃពេកទេ ដោយចន្លោះពី២០០០ ទៅ៣០០០រៀលប៉ុណ្ណោះ ក្នុង១គីឡូក្រាម តែផ្ដល់គុណតំលៃដល់សុខភាពយ៉ាងមហាសាល។ ដូចនេះមិនចំបាច់តែផ្លែឈើថ្លៃៗទេ ដែលល្អសម្រាប់សុខភាព អ្នកមានលុយតិចក៏ញុំាបានដែរ ៕

ភ្នំពេញ៖ នៅពេលថ្មីៗនេះ គេសង្កេតឃើញវត្តមាន អ្នកសិល្បៈប្រុសស្រីល្បីឈ្មោះជាច្រើន បានងាកមកចូលរួមការងារមនុស្សធម៌ យ៉ាងសស្រាក់សស្រាំ ជាមួយក្មេងកំព្រា ដោយពួកគេបានយកសម្ភារសិក្សា និងរបស់របរប្រើប្រាស់ផ្សេងៗ ចុះចែកជូនដល់ពួកគេ ដល់គេហដ្ឋានផ្ទាល់តែម្ដង។

ជាទូទៅគេឃើញអ្នកសិល្បៈភាគច្រើន គឺមានការមមាញឹកខ្លាំង ទាំងការបង្ហាញខ្លួន នៅលើកញ្ចក់ទូរទស្សន៍ ច្រៀងរាំ និងសម្តែងរឿងជា បន្តបន្ទាប់គ្មានពេលទំនេរទេ ហើយប្រសិនបើតារាៗទាំងអស់ មានពេលទំនេរក៏គេទុកពេលនោះ សម្រាប់ធ្វើការផ្ទាល់ខ្លួន សម្រាប់ខ្លួនគេ និងក្រុមគ្រួសារ។ តែពេលថ្មីៗនេះ ទស្សនិកជន បែរជាឃើញ វត្តមានអ្នកសិល្បៈជាច្រើន បានចំណាយពេលវេលា ដែលទំនេរពីការងារមកចូលរួមជាមួយការងារមនុស្សធម៌ ដោយពួកគេបានយកពេលវេលា ទំនេរទៅផ្តល់ភាពកក់ក្តៅ ជាមួយកុមារកំព្រា ពាំនាំនូវសម្ភារៈសិក្សា និងថវិការមួយចំនួន ទៅចែកជូនដល់មណ្ឌលកុមារកំព្រា។

ដូច្នេះចង់ដឹងថា តារាល្បីៗទាំងអស់នោះ បង្ហាញភាពស្និទ្ធស្នាល ជាមួយកុមារកំព្រា យ៉ាងណា សូមទៅទស្សនាជាមួយ LookingTODAY ទាំងអស់គ្នា៖

ភ្នំពេញ៖ អ្នកមីង ហេង ចាន់ធូ បានថ្លែងប្រាប់អ្នកសារព័ត៌មាន នៅក្នុងពិធីប្រគល់ មហារង្វាន់ធំ ទឹកប្រាក់ ៥ម៉ឺនដុល្លារអាម៉េរិក ពីក្រុមហ៊ុនសែលកាត នៅថ្ងៃទី១០ ខែវិច្ចិកា ឆ្នាំ២០១៥នេះថា នៅពេលដែលខ្ញុំកំពុងលក់កាហ្វេនៅខាងមុខផ្ទះ ស្រាប់តែមានអតិថិជន ខលប្រាប់ថា ខ្ញុំត្រូវរង្វាន់ឈ្នះ ៥ម៉ឺនដុល្លារអាមេរិក ពីក្រុមហ៊ុនសែលកាត ពេលនោះខ្ញុំក៏សប្បាយចិត្តស្លុតរហូតដល់បោះទូរស័ព្ទចេញដោយមិនដឹងខ្លួន។

អ្នកមីង ហេង ចាន់ធូ មានមុខរបរជាអ្នកលក់កាហ្វេ ស្ថិតនៅសង្កាត់ឬស្សីកែវ ខណ្ឌឬស្សីកែវ បានឲ្យដឹងទៀតថា «មុនដំបូងនៅពេលអតិថិជន Call មក បានប្រាប់ថាខ្ញុំបានឈ្នះរង្វាន់៥ម៉ឺនដុល្លារ ពីក្រុមហ៊ុនសែលកាត តែខ្ញុំ ដូចជាពុំមានការចាប់អារម្មណ៍ទេ ហើយខ្ញុំក៏ call ទៅសួរក្រុមហ៊ុន  ខាងក្រុមហ៊ុនក៏បានប្រាប់ថាខ្ញុំពិតជាឈ្នះមែនពេលនោះខ្ញុំក៏ត្រេកអរមួយរំពេច ក៏បានបោះទូរស័ព្ទចោល និងភ័យញ័រដៃរកធ្វើអ្វីក៏មិនកើត មានអារម្មណ៍ដូចហោះអីចឹង ព្រោះសប្បាយចិត្តខ្លំាងពេក»។

អ្នកមីងបន្តទៀតថា «ដឹងថាឈ្នះពិតមែន ខ្ញុំក៏បានប្រាប់ប្តី និងបងប្អូន ព្រមទាំងកូន របស់ខ្ញុំ។ ប្តីរបស់ខ្ញុំក៏សប្បាយ និងបានវិលមកផ្ទះវិញទំាងគាត់កំពុងធ្វើការនៅខេត្ត»។

នៅក្នុងបរិយាកាស ដ៏សប្បាយរីករាយជាមួយនឹងមហារង្វាន់របស់ក្រុមហ៊ុនសែលកាត អ្នកមីបានបញ្ជាក់នៅថ្ងៃប្រគល់រង្វាន់នេះថា ក្នុងគ្រួសារខ្ញុំពិតជាមិនឃ្លានបាយ និងដេកមិនលក់ ទោះជាមានម្ហូបឆ្ងាញ់យ៉ាងណាក៏ដោយ ពីព្រោះទឹកប្រាក់៥ម៉ឺនដុល្លារអាមេរិក បានធ្វើឲ្យបាត់ឃ្លានបាយ៕

បូលីវី៖ លលាដ៏ក្បាលជាច្រើន ត្រូវបានតុបតែងក្នុងកំឡុងពេល ប្រារព្ធទិវា «Natitas» នៅទីក្រុង General Cementery នៃរដ្ឋ La Paz ប្រទេសបូលីវី នាថ្ងៃទី ៨ ខែវិច្ឆិកា ឆ្នាំ២០១៥នេះ។ ចំពោះពិធីបុណ្យ«Natitas» ត្រូវបានប្រជាជនៅទីនោះ កំណត់ប្រារព្ធឡើង ឲ្យចំនៅថ្ងៃទី៨ ខែវិច្ឆិកា។ នេះបើតាមការចេញផ្សាយ ពីគេហទំព័រស៊ិនហួ នៅថ្ងៃទី៩ វិច្ឆិកា កន្លងទៅ។

ពិធីបុណ្យ «Natitas» គឺលលាដ៏ក្បាលរបស់មនុស្ស ក្នុងតំបន់(ដូនតា) ដែលត្រូវបានយកមកធ្វើការថែទាំ និងការតុបតែងលម្អដោយគេជឿថា ជាវត្ថុស័ក្ដិសិទ្ធិ ជួយការពារពួកគេ ឲ្យមានសេចក្តីសុខគ្រប់ពេលវេលា។ ពិធីបុណ្យនេះ គឺជាការគោរពបូជាដូនតា Andean ដែលជាជំនឿកាតូលិក ដោយត្រូវបានប្រារព្ធឡើងរួមមាន៖ ផ្កា, អាហារ, ស្លឹកកូកា, បារី ស្រា និងការប្រគំតន្រ្តីថែមទៀត។ លលាដ៏ក្បាលទាំងនេះ ជាធម្មតាអ្នកដែលគ្មានសាច់ញាតិ ឬសាច់ញាតិនៅឆ្ងាយ ក៏ប្រជាជននៅតំបន់ យកមកធ្វើ ពិធីគោរពបូជា ដើម្បីឧទ្ទិសដល់ពួកគេដូចគ្នា៕

កូរ៉េ៖ តារាសម្តែងដ៏ល្បីល្បាញ នាង Song Hye Kyo គ្រប់គ្នាស្គាល់ថា ជានាង ហាន់ ជីអ៊ុន ដែលធ្លាប់ត្រូវសរសើរថា ជាតារាដែលស្រស់ស្អាត ពីធម្មជាតិនោះ ថ្មីៗនេះបានត្រូវគេលើកឡើងថា នាងក៏ធ្លាប់វះកាត់កែសម្ផស្សដែរ ។

ព័ត៌មានពី Korea Times បានឲ្យដឹងនៅថ្ងៃទី១០ខែវិច្ឆិកា ឆ្នាំ២០១៥នេះបាន ថាតារាសម្តែងរូបស្រស់ វ័យ៣៣ឆ្នាំ នាងSong Hye Kyo ដែលកំពុងថតរឿងថ្មី «Descendants of the Sun»សម្រាប់ឆ្នាំ២០១៦ខាងមុខនេះ ត្រូវគេទម្លាយថា នាងធ្លាប់ធ្វើការវះកាត់កែសម្ផស្ស ហើយដំណឹងនេះ បានបង្ហើបឡើងដោយ សមាជិកម្នាក់ នៃក្រុមការងាររបស់នាង ។

គេបានឲ្យដឹងទៀតថា Hye Kyo បានវះកាត់កែថ្គាម មុនពេលថតខ្សែភាពយន្ត«Soon Poong Clinic»៕

ភ្នំពេញ៖ តារាចម្រៀងប្រុសដ៏ស្រស់សង្ហា និងសម្បូរទ្រព្យ លោក សុគន្ធ ថេរ៉ាយុ ត្រូវបានទស្សនិកជនដឹងថា ទើបតែបានចាប់ដៃគូថ្មីៗ ជាមួយ ស្រីស្អាត ផាត វីរ៉ាទីហៅ រ៉ាប៊ី អតីតតួឯកស្រីក្នុងរឿង «កម្លោះក្ដាមប្រៃ និងកញ្ញាស្ពៃជ្រក់» ហើយតែងតែកោតសរសើរ ដៃគូថ្មីរបស់លោកមិនដាច់ពីមាត់ ថាជាស្រីស្អាត ពោរពេញទៅដោយសមត្ថភាព មិនថាក្បាច់រាំ ការច្រៀង ឬការសម្ដែងទេ ។ ប៉ុន្តែចំឡែកអី ថ្មីៗនេះតារាចម្រៀង បែបយុវវ័យ សុគន្ធ ថេរ៉ាយុ បែរជាត្អូញត្អែថា លោកធុញថប់នឹងជីវិតខ្លួន ប្រកាសជាសាធារណៈ ទៅវិញ ហើយគេមិនបានដឹងទេថា មូលហេតុអ្វីបានជាលោកធុញ នឹងជីវិត បើសព្វថ្ងៃលោកមានទ្រព្យសម្បត្តិ ដេកចាយស្ទើរលែងអស់ទៅហើយនោះ។ 

សុគន្ធ ថេរ៉ាយុ បានវិវត្តន៍ខ្លួន ក្លាយជាគណកម្មការ ក្នុងកម្មវិធី «អ្នកនិពន្ធវ័យក្មេង» បន្ថែមលើអាជីពចម្រៀងរបស់លោក ដែលកំពុងដំណើរការថត ជាបណ្ដើរៗ ត្រៀមបង្ហាញខ្លួនលើកញ្ចក់ទូរទស្សន៍ឆាប់ៗនេះ ។ តាមរយៈកម្មវិធីនេះ នឹងធ្វើឲ្យលោកទទួលបាន ប្រជាប្រិយភាពបន្ថែមទៀត ពេលលោកអាចកាន់តំណែងនេះបានល្អ។ កម្មវិធី«អ្នកនិពន្ធវ័យក្មេង» នេះ ទទួលបានគាំទ្រពេញទំហឹង ហើយក្រសួងវប្បធម៌ និងវិចិត្រសិល្បៈរួមទាំងក្រសួងអប់រំ ហើយញុំាងឲ្យ កម្មវិធីកាន់តែ មានលក្ខណៈផ្លូវការ និងទទួលបានការ ចាប់អារម្មណ៍ខ្លាំង ។

លោក សុគន្ធ ថេរ៉ាយុ ហាក់យីអ៊ុនឡើងក្រឺតៗ ព្រោះបានចេញអាល់ប៊ុមជាមួយស្រីស្អាតសាច់ស កញ្ញា វីរ៉ាទី ថែមទាំងឡើងតំណែង គណកម្មការទៀត។ រីឯការងារក្រៅម៉ោងចេញច្រៀង តាមកម្មវិធីផ្សេងៗក៏មានហូរហែ ។ លោកហាក់បៀមទុក្ខវិបត្តិអ្វី ម្យ៉ាង ដែលធ្វើឲ្យលោកមិនសប្បាយចិត្ត ។ សុគន្ធ ថេរ៉ាយុ បានបង្ហាញពីអារម្មណ៍ ក្នុងបណ្ដាញសង្គម Facebook ថា« ខ្ញុំធុញនឹងជីវិតខ្ញុំមួយនេះណាស់» តែត្រូវបានអ្នកគាំទ្រក្នុងបណ្ដាញសង្គម លើកទឹកចិត្តលោកថា «កុំបាក់ទឹកចិត្តអី ពួកគេជាកំលាំងចិត្ត ឲ្យលោកបន្តដំណើរទៅមុខ..» ។

តារាចម្រៀងសំនៀងស្រាល សុគន្ធ ថេរ៉ាយុ ជាតារាចម្រៀងវ័យក្មេងបំផុត ដែលមានលុយច្រើនមិនគួរឲ្យជឿ ព្រោះគ្រាន់តែផ្ទះមានតម្លៃជិត៦០ម៉ឺនដុល្លារទៅហើយ ។ ចំណែកសម្ភារៈប្រើប្រាស់ គឺថ្លៃកប់ពពក តែអ្វីដែលលោកគ្មានគឺគូស្នេហ៍ អាចជាហេតុធ្វើលោកមានអារម្មណ៍ឯកា នឹងធុញថប់ក្នុងជីវិតខ្លួនឯង បើទោះបីលោកមានអ្វីៗ គ្រប់យ៉ាងក៏ដោយ ៕

ភ្នំពេញ៖ ក្រុមហ៊ុន ហង្ស សាវឿន ដឹកញ្ជូន ដែលជាក្រុមដឹកជញ្ជូនក្នុងស្រុក បានចំណាយទឹកប្រាក់ ប្រមាណ៦០ម៉ឺនដុល្លា សម្រេចទិញរថយន្តដឹក ប្រេងឥន្ធនៈចំនួន៥គ្រឿងពី ក្រុមហ៊ុន Zhong Tong Wu Liu (Cambodia ).,Ltd ដែលជាក្រុមហ៊ុនចិនវិនិយោគនៅកម្ពុជា។

នៅក្នុងពិធីប្រគល់រថយន្តជូនអតិថិជនកាលពីព្រឹកថ្ងៃទី ១២ វិច្ឆិកា ២០១៥ នៅក្រុមហ៊ុន Zhong Tong Wu Liu (Cambodia) Co.,Ltd មានទីតាំងផ្លូវជាតិលេខ៤ ខាងលិចរង្វង់មូលចោមចៅ លោក Chen Cang ប្រធានផ្នែកទីផ្សារ បានឲ្យដឹងថា ក្រុមហ៊ុន Zhong Tong Wu Liu (Cambodia ) Co., Ltd បានសម្រេចវិនិយោគដោយលក់រថយន្តបែនដឹកដី រថយន្តដឹកប្រេង និងរថយន្តដឹកទំនិញជាច្រើនប្រភេទទៀត ម៉ាក Chenglong ដោយលើកដំបូងក្រុមហ៊ុនបានបណ្ដាក់ទុនប្រមាណតែ ២,៥លានដុល្លារអាមេរិកតែប៉ុណ្ណោះ ហើយរហូតមកដល់ពេលនេះ ទឹកប្រាក់វិនិយោគរបស់ក្រុមហ៊ុនក៏បានកើនឡើងជាបន្តបន្ទាប់ផងដែរ ។

ប្រធានផ្នែកទីផ្សាររូបនោះ បញ្ជាក់ទៀតថា ការសម្រេចវិនិយោគនាំចូលរថយន្ត ម៉ាក ChengLong មកក្នុងប្រទេសកម្ពុជា ក្នុងគោលបំណងមួយ ដើម្បីឲ្យប្រជាជនកម្ពុជាមួយចំនួន ដែលធ្លាប់តែប្រើប្រាស់របស់ជជុស ឬមួយទឹក ងាកមកប្រើរបស់ថ្មីនិងមានការធានាវិញ ព្រោះផ្នត់គំនិតរបស់ប្រជាជនកម្ពុជា មួយចំនួនធំបានផ្តោតទៅលើផលិតផលមកជប៉ុន ឬកូរ៉េ ហើយរបស់មកចិនហាក់ដូចជាមិនសូវចាប់អាម្មណ៍។ រឿងនេះវាជាការពិតណាស់ ព្រោះកន្លងមានក្រុមហ៊ុនចិនមួយចំនួនមកវិនិយោគ លក់របស់ ដូចជារថយន្តដឹកដីជាដើម បានលុយហើយរត់ទៅវិញ ដែលធ្វើឲ្យរបស់ប្រើប្រាស់នោះខូច មិនមានគ្រឿងបន្លាស់ និងជាងជំនាញជួសជុលជូន តែសម្រាប់ក្រុមហ៊ុន Zhong Tong Wu Liu (Cambodia ) Co., Ltd វិញបានមកវិនិយោគដោយផ្តោតទៅលើសេវាកម្ម ។ នៅពេលអតិថិជនយកទៅប្រើប្រាស់មានបញ្ហាអ្វីមួយនោះ អាចមករកក្រុមហ៊ុនជួសជុលជូនអតិថិជនដោយមិនអោយទាស់ចិត្តឡើយ ។

លោក Zheg Tian Xing អគ្គនាយកក្រុមហ៊ុន Zhong Tong Wu Liu (Cambodia ) Co., Ltd បានមានប្រសាសន៍ថា ការសម្រេចមកវិនិយោគនៅក្នុងប្រទេសកម្ពុជានាពេលនេះ នឹងប្តូរទស្សនរបស់ប្រជាជនកម្ពុជា ដែលកន្លងមកតែងតែគិតថា ឡានរបស់ក្រុមហ៊ុនចិន មានគុណភាពមិនសូវល្អ ប៉ុន្តែក្រុមហ៊ុននឹងខិតខំព្យាយាមប្តូរទស្សនទាំងនេះ និងធ្វើអោយឡានម៉ាក Chenglong របស់ក្រុមហ៊ុន Zhong Tong Wu Liu (Cambodia ) Co., Ltd ចរាចរណ៍ពាសពេញប្រទេសកម្ពុជា ។

លោកបន្តថា នៅក្នុងរយៈពេល២ឆ្នាំមុន ក្រុមហ៊ុនយើង មានទីផ្សារតូចនៅឡើយ ហើយការប្រកួតប្រជែង ក៏មិនទាន់មានទ្រង់ទ្រាយធំដែរ តែនៅពេលបច្ចុប្បន្ននេះ បន្ទាប់ពីក្រុមហ៊ុនយើងមានការទទួលស្គាល់ពីអតិថិជនកម្ពុជា យ៉ាងច្រើននោះ ការប្រកួតប្រជែងក៏ចាប់ផ្ដើមដែរ និងមានពាក្យចរចាមអារាម ថាក្រុមហ៊ុនយើងមានបញ្ហាហិរញ្ញវត្ថុ និងចង់រត់ចោលស្រុកទៀតផង ក្នុងគោលបំណងបង្ខូចកេរ្តិ៍ឈ្មោះក្រុមហ៊ុនយើង ។

លោកបញ្ជាក់ថា រថយន្តដែលក្រុមហ៊ុន Zhong Tong Wu Liu (Cambodia ) Co., Ltd កំពុងដាក់លក់នៅកម្ពុជា គឺពិតជាសមនឹងស្ថានភាពប្រទេសកម្ពុជានៅពេលនេះ ដោយសារតែកម្ពុជា ជាប្រទេសកម្ពុជាអភិវឌ្ឍន៍ និងត្រូវការរថយន្ត ដឹកដែលមានគុណភាព មិនចំណាយច្រើន មិនងាយខូច ហើយក្រុមហ៊ុននឹងព្យាយាមយកអ្វីដែលថ្មី ល្អ មានគុណភាព សម្រាប់ប្រជាជនកម្ពុជា ៕

ភ្នំពេញ៖ គម្រោងសន្តិសុខទិន្នន័យ ដែលជាកិច្ចសហប្រតិបត្តិការរវាងមជ្ឈ មណ្ឌលឯកសារកម្ពុជា (DC-CAM) ក្រុមហ៊ុនអ៊ីហ្ស៊ីខម និងទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិ (USAID) ត្រូវបានសម្ពោធជាផ្លូវការកាលពីវេលាព្រឹកថ្ងៃទី១៣ ខែវិច្ឆិកានេះ។ កិច្ចផ្តួចផ្តើមរួមគ្នានេះ នឹងចូលរួមចំណែកថែរក្សា និងប្រមូលផ្តុំឯកសារសម័យខ្មែរក្រហម ជាមួយនឹងប្រព័ន្ធមានសុវត្ថិភាពថ្មីមួយ ដែលនឹងអនុញ្ញាតឲ្យសាធារណៈជនកាន់តែច្រើនចូលមើលឯកសារទាំងនេះបាន ។ លោកបណ្ឌិត អេង កុកថៃ អគ្គនាយករងមជ្ឈមណ្ឌលឯកសារកម្ពុជា បាននិយាយថា ៖បច្ចុប្បន្ន បណ្តុំឯកសារអំពីរបបខ្មែរក្រហមរបស់យើង រួមមាន រូបភាពនិងរូបថតជាង ១ម៉ឺន១ពាន់សន្លឹក ព្រមទាំងឯកសារជាង ៨៩ម៉ឺនទំព័រ ។ បន្ថែមពីនេះ យើងនៅមានឯកសារផ្សេងទៀតជាច្រើនដែលកំពុងរៀបចំបញ្ចូលក្នុងបណ្តុំឯកសារ ។ កាលពីមុន យើងពុំមានវិធីសាស្រ្ត ដែលមានសុវត្ថិភាពខ្ពស់ក្នុងការរក្សាទុកទិន្នន័យ និងឯកសារទាំងអស់នេះទេ ។ ដូច្នេះ ប្រសិនបើមានហានិភ័យកើតឡើង យើងអាចបាត់បង់ទិន្នន័យទាំងអស់ក៏ថាបាន ។ តែឥឡូវ ជាមួយនឹងគម្រោងនេះ ឯកសារទាំងអស់នឹងត្រូវបានរក្សាទុកយ៉ាងមានសុវត្ថិភាព ។ ក្រោយការស្រាវជ្រាវប៉ុន្មានទសវត្សរ៍មកនេះ មជ្ឈមណ្ឌលឯកសារកម្ពុជា បានប្រមូលផ្តុំឯកសារ រូបភាព និងចម្លើយកសិណសាក្សីសរុបរាប់រយពាន់ច្បាប់ ពីសម័យខ្មែរក្រហម និងពីជនរងគ្រោះដែលរួចរស់ជីវិតពីរបបខ្មែរក្រហម ។ ជាមួយនឹងគម្រោងនេះ ប្រព័ន្ធរក្សាទុកឯកសារជាទម្រង់អេឡិចត្រូនិចមួយ នឹងត្រូវបង្កើតឡើង ដោយតភ្ជាប់ទៅកាន់ម៉ាស៊ីនមេ Server ច្រើននៅទីតាំងមានសុវត្ថិភាពផ្សេងៗគ្នា ដើម្បីធានាថា រាល់ទិន្នន័យ និងឯកសារត្រូវបានរក្សាទុកដោយសុវត្ថិភាព គ្រប់ពេលវេលាទាំងអស់។ លោកស្រី Rebecca Black ប្រធានបេសកកម្មទីភ្នាក់ងារ USAID ប្រចាំប្រទេសកម្ពុជា បានមានប្រសាសន៍ថា ៖ ជាមួយនឹងបទពិសោធន៍ទូទាំងពិភពលោក ក្នុងករណីសោកនាដកម្ម និងអំពើឃោរឃៅ ដូចជា អំពើប្រល័យពូជសាសន៍ ជាដើម ការយល់ដឹង និងចូលរួមពីសាធារណៈជន គឺជាមធ្យោបាយតែមួយគត់ដែលអាចធានាបាន នូវសន្តិភាព ការផ្សះផ្សា ការសម្រួលចិត្តពីរឿងរ៉ាវជូរចត់ក្នុងប្រវត្តិសាស្រ្តបែបនេះ ។ ដូច្នេះ ខ្ញុំមានសេចក្តីសោមនស្សរីករាយយ៉ាងខ្លាំង ដែលគម្រោងថ្មីនេះអាចប្រើបច្ចេកវិទ្យាដើម្បីជួយឲ្យសាធារណៈជនកាន់តែច្រើន អាចចូលមើលឯកសារប្រវត្តិសាស្រ្តទាំងនេះ នៅក្នុងលក្ខណៈមួយដែលសមស្រប និងមានសុវត្ថិភាព។ យោងតាម លោក Paul Blanche-Horgan អគ្គនាយកក្រុមហ៊ុនអ៊ីហ្ស៊ីខម បច្ចេកវិទ្យាស្នូលនៃប្រព័ន្ធរក្សាទុកទិន្នន័យនេះ គឺការប្រើប្រាស់បច្ចេកវិទ្យា colocation និងការបង្កើតការតភ្ជាប់ domestic VPN ទៅកាន់មជ្ឈមណ្ឌលទិន្នន័យរបស់ក្រុមហ៊ុនអ៊ីហ្ស៊ីខម ។ សម្រាប់ការងារជួសជុលថែទាំប្រព័ន្ធ និងការគាំទ្រផ្នែកបច្ចេកទេស គឺក្រុមហ៊ុនអ៊ីហ្ស៊ីខម ជាអ្នកទទួលខុសត្រូវសម្រាប់រយៈពេលពីរឆ្នាំ ដោយអាចបន្តបន្ថែមទៀត អាស្រ័យតាមការចរចានាពេលអនាគត ។ លោក Paul Blanche-Horgan បានមានប្រសាសន៍បន្ថែមទៀតថា ៖យើងជឿថា បច្ចេកវិទ្យាគប្បីអភិវឌ្ឍ ស្របតាមកាវិវឌ្ឍរបស់សង្គម ជួយជំរុញការអភិវឌ្ឍប្រទេស និងការលើកទឹកចិត្តឲ្យមានការច្នៃប្រឌិតថ្មីៗ ។ ការប្តេជ្ញាចិត្តចំពោះការប្រើប្រាស់បច្ចេកវិទ្យា ក្នុងគោលបំណងជួយធ្វើឲ្យសង្គមរីកចំរើន គឺជាផ្នែកនៃរាល់កិច្ចការងាររបស់ក្រុមហ៊ុន អ៊ីហ្ស៊ីខម ។ ហេតុនេះហើយ ទើបយើងរីករាយក្នុងការចូលរួមសហការ ជាមួយមជ្ឈមណ្ឌលឯកសារកម្ពុជា និងដៃគូផ្សេងទៀតក្នុងគម្រោងនេះ ។ ថវិកាចំណាយក្នុងគម្រោងនេះ សរុបជិត៥ម៉ឺនដុល្លារអាមេរិក ដោយមានការចូលរួមចំណែកធនធាន ពីភាគីទាំងបីគឺ ក្រុមហ៊ុនអ៊ីហ្ស៊ីខម មជ្ឈមណ្ឌលឯកសារកម្ពុជា និងគម្រោង Development Innovations ដែលទទួលថវិកាឧបត្ថម្ភពី USAID សម្រាប់គម្រោងនេះ ។ លោក ថេង វិបុល ប្រធានកម្មវិធីភាពជាដៃគូរបស់គម្រោង Development Innovations បាននិយាយថា ៖ជាមួយនឹងគម្រោងនេះ ទីភ្នាក់ងារ USAID ចង់ជួយអភិរក្សឯកសារដ៏មានតម្លៃ ពីសម័យខ្មែរក្រហម សំដៅជំរុញការផ្សះផ្សា ក៏ដូចជារួមចំណែកបង្កើនលទ្ធភាពទទួលបានព័ត៌មាននៅក្នុងប្រទេសកម្ពុជា ។ យើងសង្ឃឹមថា តាមរយៈការបន្តផ្សព្វផ្សាយ និងអប់រំដល់សាធារណៈជនអំពីសម័យខ្មែរក្រហម យើងបានរួមចំណែកទប់ស្កាត់អំពើប្រល័យពូជសាសន៍កុំឲ្យកើតឡើងម្តងទៀតនៅថ្ងៃអនាគត ៕

ចិន៖ ព្រះបរមរាជវាំង Mei ling មានទីតាំងស្ថិតនៅ លើកំពូលភ្នំ Xiaohong ភាគខាងកើត នៃទីក្រុងណានជីង ដែលជាផ្ទះរបស់អតីតប្រធានាធិបតី របស់ប្រទេសចិន លោក Chiang Kai-shek និងភរិយាលោក Soong Mayling មុនពេលពួកគេបានភៀសខ្លួន ទៅតៃវ៉ាន់នៅឆ្នាំ ១៩៤៩ នៅចុងបញ្ចប់នៃសង្រ្គាម ស៊ីវិលរបស់ប្រទេសចិន។ នេះបើតាមការចេញផ្សាយ ពីគេហទំព័រ amusingplanet កាលពីថ្ងៃទី ១០ ខែវិច្ឆិកា ឆ្នាំ២០១៥ ។

អស់រយៈពេល ជាច្រើនទសវត្ស អគារនេះត្រូវបានរក្សាទុក ជាផ្ទះសំណាក់រដ្ឋ ប៉ុន្តែត្រូវបានបិទទ្វារ រហូតដល់២ឆ្នាំ មុនពេលត្រូវបានកែលម្អ និងបើកជាសាធារណៈវិញ ហើយផ្ទះនេះប្រហាក់ប្រហែល នឹងត្បូងមរកតយក្ស និងទេសភាពព្រៃឈើ ដែលនៅជុំវិញ មើលទៅដូចជាបន្តោងមួយ ។ បើយោងតាមពាក្យចចាមអារ៉ាម ក្នុងស្រុកថា ផ្ទះនេះត្រូវបានសាង សង់ឡើង ជាអំណោយថ្ងៃខួបកំណើត របស់ភរិយាលោក Chiang គឺអ្នកស្រី Soong Mayling ដែលត្រូវរចនាឡើង ជានិមិត្តរូបនៃសេចក្តីស្រឡាញ់ រវាងអ្នកទាំង២នាក់។

ព្រះបរមរាជវាំង ត្រូវបានកសាងឡើង នៅចន្លោះឆ្នាំ ១៩៣១ទៅឆ្នាំ ១៩៣៤ ហើយក្រោយមកបាន ដាក់ឈ្មោះ Soong ក្រោយពីអ្នកស្រី Soong ចូលទៅទស្សនា ជាញឹកញាប់នៅទីនោះ ។ ព្រះបរមរាជវាំង ដែលគ្មានមនុស្សរស់នៅ និងធ្លាក់ចូលក្នុងភាពទ្រុឌទ្រោម រហូតត្រូវបានប្រគល់ ទៅឲ្យឧទ្យានជាតិភ្នំ Zhongshan នៅឆ្នាំ១៩៥០ ដែលជាអ្នករៀបចំ ព្រះបរមរាជវាំង ជាទ្រព្យសម្បត្តិ សាធារណៈ។ ក្រោយមក ត្រូវបានជួលទៅឲ្យ នាយកដ្ឋានគ្រប់គ្រង ជាច្រើនរួមទាំងការិយាល័យ សុខាភិបាលទីក្រុង និងក្រុមហ៊ុន សណ្ឋាគារមួយចំនួនធំ។

ក្នុងឆ្នាំ ២០១២ ត្រូវបានគេដាក់នៅ ក្រោមការិយាល័យ គ្រប់គ្រង របស់Sun Yat-sen Mausoleum ជាស្ថាប័នគ្រប់គ្រងអគារប្រវត្តិសាស្រ្ត នៅប្រទេសចិន។ ចាប់តាំងពីបើកសម្ពោធឡើងវិញ នៅក្នុងខែតុលា ឆ្នាំ២០១៣ មានភ្ញៀវទេសចរជាតិ និងអន្តរជាតិរាប់ម៉ឺននាក់ បានមកទស្សនាក្នុងផ្ទះ ដែលមានទីតាំងស្ថិតនៅលើភ្នំ Xiaohong បច្ចុប្បន្ននេះជាកន្លែង មានទេសភាពល្អបំផុត លំដាប់ពិភពលោក របស់ចិន៕